15 март — Рӯзи умумиҷаҳонии ҳифзи ҳуқуқи истеъмолкунандагон

Mar 10, 2026 226

Ҳамасола 15 март дар саросари ҷаҳон "Рӯзи умумиҷаҳонии ҳифзи ҳуқуқи истеъмолкунандагон" таҷлил мегардад. Ин рӯз аҳамияти риояи ҳуқуқи шаҳрвандон, таъмини шаффофияти хизматрасониҳо ва таҳкими муносибатҳои боэътимод миёни хизматрасонандагон ва мизоҷони онҳоро бозгӯ мекунад.

Ҳифзи ҳуқуқи истеъмолкунандагон яке аз омилҳои муҳими рушди устувори низоми молиявӣ ба ҳисоб меравад. Ҳар як мизоҷ бояд имкони дастрасӣ ба маълумоти пурра, саҳеҳ ва фаҳмо оид ба маҳсулоту хизматрасониҳои молиявиро дошта бошад, қарорҳои огоҳона қабул намояд ва итминон дошта бошад, ки ҳуқуқҳои ӯ ба таври муносиб ҳифз карда мешаванд.

Бонки миллии Тоҷикистон ба масъалаҳои ҳифзи ҳуқуқи истифодабарандагони хизматрасониҳои молиявӣ таваҷҷуҳи махсус зоҳир менамояд. Фаъолияти танзимгар ба баланд бардоштани шаффофияти бозори молиявӣ, такмили низоми баррасии муроҷиатҳои шаҳрвандон, рушди саводнокии молиявии аҳолӣ ва таъмини муносибатҳои одилона байни ташкилотҳои молиявӣ ва мизоҷони онҳо равона гардидааст.

Дар навбати худ, ташкилотҳои молиявӣ низ барои пешниҳоди хизматрасонии босифат, сари вақт огоҳ намудани мизоҷон аз шартҳои маҳсулот ва хизматрасониҳо, инчунин риояи принсипҳои шаффофият, поквиҷдонӣ ва ахлоқи касбӣ масъул мебошанд.

Ба истеъмолкунандагон тавсия дода мешавад, ки пеш аз имзои шартномаҳо бо шартҳо, тарофаҳо ва тартиби пешниҳоди хизматрасониҳо бодиққат шинос шаванд, дар сурати пайдо шудани саволҳо барои гирифтани тавзеҳот муроҷиат намоянд ва танҳо аз шабакаҳои расмии ташкилотҳои молиявӣ истифода баранд.

Ҳифзи ҳуқуқи истеъмолкунандагон на танҳо риояи талаботи қонунгузорӣ, балки заминаи асосии эътимод ба низоми молиявӣ низ мебошад. Маҳз эътимод ба рушди устувори бахши бонкӣ, баланд бардоштани саводнокии молиявии ҷомеа ва таҳкими муносибатҳои шарикона миёни мизоҷон ва муассисаҳои молиявӣ мусоидат менамояд.



Все новости

ОСОН, ШАФФОФ, БОЭЪТИМОД

(+992 44) 625-77-77 1155

СУПОРИШ ДОДАНИ ЗАНГИ РОЙГОН

СУПОРИШ ДОДАНИ ЗАНГИ РОЙГОН

Шартҳои додани иттилоот

Ман ба Бонк барои коркарди тамоми маълумотҳои шахсии худ, ки дар дархост оварда шудаанд, бо ҳама гуна тарзу равиш, аз он ҷумла тавассути шахсони сеюм, аз он ҷумла аз роҳи нусха бардоштан, нусхабардории электронӣ, бешахсиятгардонӣ, масдудкунӣ, нобуд кардан ва ҳамчунин барои коркарди зикршудаи маълумотҳои шахсии худ, ки дар натиҷаи коркарди онҳо ба даст оварда шудаанд, бо ҳадафҳои зерин ризоият медиҳам:

  • бастани шартномаи ҳамаҷониба бо Бонк;
  • барориш, хизматрасонии кортҳои бонкӣ;
  • сохтани низомҳои иттилоотии маълумотҳои шахсии Бонк;
  • суғурта намудани ҳаёт/ саломатӣ/ молу мулки ман ва навъҳои дигари суғурта, ки бо мусоидати Бонк ё ба фоидаи Бонк ва/ё ба сабаби бастани шартнома анҷом мегирад;
  • ва ҳамчунин бо дигар ҳадафҳое, ки бевосита ё бавосита бо барориш ва хизматрасонии кортҳои бонкӣ ва пешниҳод намудани дигар маҳсулоти Бонк ва ба ман ирсол намудани иттилоот оид ба маҳсулот ва хизматрасониҳои нави Бонк ва/ё контрагентҳои вай вобастаанд.

Ман ба контрагентҳои Бонк барои коркарди тамоми маълумотҳои шахсии худ, ки дар ихтиёри/дастрасии Бонк ва/ё контрагентҳои Бонк қарор доранд, аз он ҷумла бо мақсади иттилоъ додани ман оид ба хизматрасониҳои контрагентҳо ва ҳамчунин барои коркарди маълумотҳо оид ба муштариён ва хизматрасониҳои алоқаи ба онҳо мерасонидашуда (дар ҳолате, ки агар контрагенти Бонк оператори алоқа бошад) бо мақсади баҳодиҳию арзёбии қобили пардохт будани ман дар оянда барои тасмимгирӣ оид ба барориши корти қарз ризоият медиҳам.

Ризоияти зикршуда ба муҳлати 15 сол дода шудааст, дар ҳолати бозхондани он коркарди маълумотҳои шахсии ман тавассути Бонк ва/ё шахсони сеюм бояд қатъ гардад ва маълумотҳо ба шарти бекор кардани Шартнома ва пардохти пурраи қарз аз рӯи Шартнома дар муҳлати на дертар аз 1 (як) сол аз санаи қатъ гардидани Шартнома нобуд карда шаванд.